Hilary Lucky Moon

Monday, July 8, 2013

ការសន្និដ្ឋាន និង អនុសាសន៍

សេចក្តីសន្និដ្ឋាន

បន្ទាប់ពីការសិក្សាស្រាវជ្រាវជាមួយ អនាគារ អេស៊ីលីដា ភីអិលស៊ី សាខាខេត្តបន្ទាយមាន ជ័យលើប្រធានបទ ការតម្រង់ទិស ការបណ្តុះបណ្តាល និង ការវាយតម្លៃ សកម្មភាពការងារបុគ្គលិក។ យើងសង្កេតឃើញថា ធនាគារអេស៊ីលីដាបានរៀបចំការបណ្តុះបណ្តាលបុគ្គលិក ទៅតាមផ្នែក និង បង្កើតឲ្យមានគោលការណ៍ និង នីតិវិធី ចំពោះការវាយតម្លៃលើលទ្ធផលនៃការអនុវត្តការងារ របស់កម្ម ករនិយោជិតទៅតាមមុខងារ និង តួនាទី ហើយការវាយតម្លៃម្តងៗ គឺមានលក្ខណៈ បច្ចេកទេសយ៉ាង ត្រឹមត្រូវដោយអនុវត្ត ការងារជាក់ស្តែងដោយប្រៀបធៀបទៅនឹង បទដ្ឋានការងារដែលបានកំណត់។ ជាពិសេសទៅទៀតនោះរាល់ ការវាយតម្លៃ គឺត្រូវធ្វើឡើងជាបន្តបន្ទាប់ ដោយមានការចូលរួម ពីនិយោ ជិតសាមីដើម្បីវាយតម្លៃលើលទ្ធផលដែល ខ្លួនបានអនុវត្ត។

ដោយសារមានការរួមផ្សំនៃកត្តាទាំងអស់នេះហើយ ទើបធ្វើឲ្យធនាគារ អេស៊ីលីដា ភីអិលស៊ី អាចថែរក្សាបានយ៉ាងល្អនូវធនធានហិរញ្ញវត្ថុ និង ធនធានមនុស្ស ដែលជំរុញឲ្យធនាគារនេះទទួល បាននូវភាពជោគជ័យយ៉ាងត្រចះត្រចង់ លើប្រតិបត្តិការធនាគារហើយថែមទាំង បានពង្រីករហូតដល់ ទៅ២៤ខេត្ត ក្រុង នៅក្នុងព្រះរាជាណាចក្រកម្ពុជា។

សរុបសេចក្តីមកក្រុមយើងខ្ញុំអាចសន្និដ្ឋានឃើញថា ការអនុវត្តការងារជាក់ស្តែងនៅក្នុងធនា គារ អេស៊ីលីដា ភីអិលស៊ី ជាពិសេសទៅលើការ បណ្តុះបណ្តាល ការតម្រង់ទិស ហើយនិង ការវាយ តម្លៃគឺប្រព្រឹត្តិទៅបានយ៉ាងល្អប្រសើរណាស់បើប្រៀបធៀបទៅនឹង ទ្រឹស្តី ពីព្រោះធនាគារ អេស៊ីលីដា បានបង្កើតឲ្យមានគោលការណ៍ និង នីតិវិធីសំរាប់អនុវត្តន៍យ៉ាងច្បាស់លាស់ទៅតាមប្រភេទ និង ទំហំ ការងារនីមួយៗ។

ការផ្តល់អនុសាសន៍

ក្រោយពីបានធ្វើការសិក្សាប្រៀបធៀប រវាងការអនុវត្តជាក់ស្តែងរបស់ ធនាគារ អេស៊ីលីដា ភីអិលស៊ី លើការបណ្តុះបណ្តាល ការតម្រង់ទិស ការវាយតម្លៃ ទៅនឹង មេរៀនដែលសិក្សាកន្លងមក គឺមេរៀនការគ្រប់គ្រងធនធានមនុស្សរួចមកនាំឲ្យយើងសង្កេត ឃើញថា ធានគារអេស៊ីលីដា ភីអិលស៊ី មានចំនុចល្អប្រសើរច្រើនក្នុងការបណ្តុះបណ្តាល ការតម្រង់ទិស និងការវាយតម្លៃ ។

ទន្ទឹមនឹងចំនុចប្រសើរទាំងនេះក៏មានចំនុចខ្វះខាតមួយចំនួនលើផ្នែកខ្លះៗរបស់ធនាគារដែរ។ ដូច្នេះ ដើម្បីឲ្យមានភាពងាយស្រួលក្នុងការអនុវត្តន៍ទៅលើការបណ្តុះបណ្តាល ការតម្រង់ទិស ការវាយតម្លៃ របស់ធនាគាអេស៊ីលីដា បន្ថែមទៀតនោះ ធនាគារគួរមានចំណុចមួយចំនួនបន្ថែមដូច ខាងក្រោម

-បង្កើតការបណ្តុះបណ្តាលដល់បុគ្គលិកដល់គ្រប់ជំនាញឲ្យបានញឹកញាប់

-ធនាគារគួរតែបង្កើតការបណ្តុះបណ្តាលបុគ្គលិកដោយ បញ្ចូនទៅសិក្សានៅក្រៅប្រទេស ដើម្បីទទួលបានបទពិសោធន៍ច្រើន។

-ធនាគារគួរតែបង្កើតការបណ្តុះបណ្តាលនៅតាមសាខាដើម្បីកុំឲ្យខ្ជះខ្ជាយនូវថវិការច្រើនក្នុង ការបញ្ចូននិយោជិតឲ្យទៅរៀននៅភ្នំពេញ។

ការវាយតម្លៃ

នៅក្នុងធនាគារ អេស៊ីលីដា ភីអិលស៊ី ការវាយតម្លៃបុគ្គលិកត្រូវបានធ្វើឡើងដោយនាយក ប្រតិបត្តិធនធានមនុស្ស។ ការវាយតម្លៃរបស់ធនាគារ អេស៊ីលីដា ប្រព្រឹត្តទៅតាមប្រធានផ្នែកនីមួយៗ របស់បុគ្គលិកតាមជំនាញរបស់ពួកគេ ហើយប្រធានផ្នែកត្រូវបញ្ជូនទៅអោយលោក នាយកត្រួតពិនិត្យ បន្ទាប់មកបញ្ជូនបន្តទៅអោយនាយក ប្រតិបត្តិធនធានមនុស្សត្រួតពិនិត្យ និង ជាអ្នកសម្រេចចុង

ក្រោយ។ ការវាយតម្លៃរបស់បុគ្គលិករបស់ ធនាគារ អេស៊ីលីដា ភីអិលស៊ី ធ្វើឡើងក្នុងរយៈពេល ១ឆ្នាំ ម្ដង។ ហើយការវាយតម្លៃបុគ្គលិកគឺមើលទៅលើការងារ និង សមត្ថភាព ចំណេះដឹង លទ្ធផលការងារ របស់ពួកគេ ប្រសិនបើក្នុងករណីបុគ្គលិកធ្វើការងារល្អ អង្គភាពនិងធ្វើការវាយតម្លៃមុនពេលកំណត់

១.ការវាយតំលៃលើការងាជាក់ស្តែងរបស់បុគ្គលិក

ក.គោលការណ៍វាយតំលៃលទ្ធផលការងាររបស់កម្មករនិយោជិត

ការវាយតំលៃកម្មករនិយោជិតរបស់ធនាគារអេស៊ីលីដាត្រូវបានធ្វើឡើងតាម២របៀប

-ការវាយតំលៃតាមតំណាក់កាលកំណត់ គឺត្រូវអនុវត្តទៅតាមពេលវេលាដែល បានកំណត់ ដូចចែងក្នុង គោលការណ៍។

-ការវាយតំលៃមិនតាមការកំណត់ ត្រូវអនុវត្តនៅពេលដែលអ្នកគ្រប់គ្រងផ្តល់យល់ថាចាំបាច់

ខ.ការទទួលខុសត្រូវលើការវាយតំលៃ

+នាយកដ្ឋានធនធានមនុស្ស

-រៀបចំគោលការណ៍ និង និតិវិធីនៃការវាយតំលៃដើម្បីប្រើប្រាស់ជាផ្លូវការ

-បង្កើតទំរង់ និង ប្រពន្ធ័វាយតំលៃដើម្បីប្រើប្រាស់ជាផ្លូវការ

-បណ្តុះបណ្តាលអ្នកវាយតំលៃ

-ផ្តល់ទំរង់វាយតំលៃឲ្យមានថ្នាក់សមត្ថកិច្ច ដើម្បីធ្វើការវាយតំលៃអោយបានទាន់ពេលវេលា។

-គ្រប់គ្រងប្រពន្ធ័ពត៌មានបុគ្គលិកដើម្បីប្រាកដធ្វើការវាយតំលៃពិតជា ត្រូវតាមពេលកំណត់។

គ.ការរៀបចំពេលវេលាសំរាប់វាយតំលៃ

-ការវាយតំលៃម្តងក្នុងមួយឆ្នាំ គឺ អនុវត្តមួយខែមុនកាលបរិច្ឆេតខួបចំពោះកម្មករ និយោជិត ដែល មានកិច្ចសន្យាការងារជាប់ចាប់ពី៣ខែឡើងទៅ។

-វាយតំលៃក្នុងកន្លះខែមុនកាលបរិច្ឆេតបញ្ចប់ចំពោះកម្មករនិយោជិត ដែលមានកិច្ចសន្យា ការងារ ជាប់១ខែនិង ៣ខែ។

ឃ.ចំណុចដែលត្រូវវាយតំលៃ

+សំរាប់កម្មករនិយោជិត

ការយល់ដឹង និងការអនុវត្តគោលការណ៍ជំនាញ និតិវិធីចំណេះដឹង លើការងារ និង ជំនាញ។

-ភាពម្ចាស់ការ និង ការទទួលខុសត្រូវ

-បរិមាណការងារ

-គុណភាពការងារ

-ទំនាក់ទំនងការងារ និង កិច្ចសហប្រតិបត្តិការ

-ការអនុវត្តគោលការណ៍ និតិវិធី និង គោលការណ៍ទូទៅរបស់ធនាគារ

-ក្រមសីលធម៌ និង ការបំរើអតិថិជន

-ការជឿជាក់ភាព ភាពស្មោះត្រង់និង ការចាត់តាំង

-ឆន្ទៈ និង មនសិការក្នុងការអនុវត្តខ្លួនឯង។

+សំរាប់ប្រធានផ្នែកជំនាញតាមនាយកដ្ឋានសាខាខេត្ត ក្រុង ការិយាល័យស្រុក-ខណ្ឌ័

-ការយល់ដឹង និង ការអនុវត្តគោលការណ៍ជំនាញនិតិវិធី

-ការធ្វើផែនការ

-ការចាត់ចែងរៀបចំ

-ការដឹកនាំ និង ការជំរុញលើកទឹកចិត្ត

-ការត្រួតពិនិត្យ និង សហការកែលំអរការងារ

-បរិមាណការងារ

-គុណភាពការងារ។

២.និតិវិធីការវាយតំលៃលទ្ធផលការងារ របស់កម្មករនិយោជិត

ក.ពិនិត្យមើលកាលបរិច្ឆេទ ដែលត្រូវវាយតំលៃ

បុគ្គលិកនាយកដ្ឋានធនធានមនុស្សត្រូវត្រួតពិនិត្យមើលទម្រង់វាយតំលៃរបស់កម្មករនិយជិត ជាប្រចាំក្នុងរវាង១ខែ និង ២ ខែ ខាងមុខហើយផ្ញើទម្រង់វាយតំលៃនោះទៅថ្នាក់មានសមត្ថកិច្ចឲ្យទាន់ ពេលវេលា។

ខ.ការវាយតំលៃ

ថ្នាក់មានសមត្ថកិច្ចវាយតំលៃត្រូវធ្វើការវាយតំលៃកម្មករនិយោជិត នៅចំពោះមុខដោយអនុវត្តន៍ តាមនិតិវិធីដូចខាងក្រោម

-សិក្សាទំរង់វាយតំលៃឲ្យបានច្បាស់លាស់

-ពិនិត្យមើលបទដ្ឋានការងារ

-បូកសរុបលទ្ធផលការងារជាក់ស្តែងដែលបានសំរេច១ខែម្តងក្នុងខួប នៃការវាយតំលៃ។

-កម្មករនិយោជិតត្រូវសរសេរអំពីចំណុចខ្លាំង ចំណុចខ្សោយដែលខ្លួនមាន

ផលិតផល និង សេវាកម្ម

ផលិតផលរបស់ធនាគារ អេស៊ីលីដា ភីអិលស៊ី

ធនាគារ អេស៊ីលីដា ភីអិលស៊ី មានផលិតផលចំនួន ៨ ដែលកំពុងដាក់អោយប្រើប្រាស់លើ ទីផ្សារ ហើយកំពុងតែខិតខំអភិវឌ្ឍន៍ផលិតផលថ្មីបន្ថែមទៀត ដើម្បីឆ្លើយតបទៅនឹងតម្រូវការរបស់ អតិថិជន។

ផលិតផលទាំង ៨ នោះរួមមាន ៖

- ឥណទាន

- សេវាបញ្ញើ-សន្សំ

- សេវាផ្ទេរទឹកប្រាក់

- សេវាចាត់ចែងសាច់ប្រាក់

- សេវាហិរញ្ញប្បទានពាណិជ្ជកម្មអន្តរជាតិ

- សេវាដកប្រាក់តាមប្រព័ន្ធអេឡិចត្រូនិច

- សេវា ACLIDA Unity

- សេវាប្រឹក្សាយោបល់

សេវាកម្មរបស់ធនាគារ អេស៊ីលីដា ភីអិលស៊ី

សេវាកម្មដែល ធនាគារអេស៊ីលីដា ភីអិលស៊ី កំពុងធ្វើការផ្តល់ជូនទៅអោយអតិថិជនរួម មានដូខាងក្រោម៖

- ឥណទានសម្រាប់ស្ថាប័នមីក្រូហិរញ្ញវត្ថុ

- ឥណទានសម្រាប់ទូទាត់ពាណិជ្ជកម្មក្នុងស្រុក

- ឥណទានសម្រាប់ទូទាត់អោយលិខិតធានា

- ឥណទានពាណិជ្ជកម្ម

- ឥណទានសម្រាប់ការនាំចូល

- ឥណទានសម្រាប់កាតនាំចេញ

- ឥណទានរថយន្ត

- ឥណទានសម្រាប់ទុនបង្វិល

- កម្រិតបន្ទាត់ឥណទាន

- ឥណទានផ្ទះ

- ឥណទានគេហដ្ឋានបុគ្គលិក

- ឥណទានខ្នាតតូចបំផុត

- ឥណទានខ្នាតតូច

- ឥណទានខ្នាតមធ្យម

ទស្សនវិស័យ

ធនាគារអេស៊ីលីដាភីអិលស៊ីជាធនាគារពាណិជ្ជនាំមុខក្នុងប្រទេសកម្ពុជាក្នុងការផ្តល់សេវាកម្មហិរញ្ញវត្ថុល្អបំផុតជូនដល់សាធារណជនគ្រប់មជ្ឈដ្ឋានក្នុងសហគមន៍ ។

បេសកកម្ម

បេសកកម្ម របស់ធនាគារអេស៊ីលីដាភីអិលស៊ីគឺផ្តល់ជូនសហគ្រិនខ្នាតតូចបំផុតខ្នាតតូចខ្នាតមធ្យមនិងសាធារណជននូវមធ្យោបាយក្នុងការគ្រប់គ្រងចាត់ចែងធនធានហិរញ្ញវត្ថុឲ្យមានប្រសិទ្ធភាពខ្ពស់ដើម្បីលើកស្ទួយជីវភាពរស់នៅឲ្យប្រសើរឡើងដោយអនុវត្តឲ្យបាននូវនិរន្តរភាពនិងបង្កើននូវអត្ថប្រយោជន៍ជូនដល់ភាគទុនិកកម្មករនិយោជិតព្រមទាំងសហគមន៍ទាំងអស់ ។យើងប្រកាន់ខ្ជាប់ជានិច្ចនូវគោលការណ៍សីលធម៌វិជ្ជាជីវៈសង្គមច្បាប់និងបរិស្ថានប្រកបដោយកម្រិតខ្ពស់បំផុត ។

Sunday, June 30, 2013

ប្រវត្តិក្រុមហ៊ុន

ធនាគារ អេស៊ីលីដា ភីអិលស៊ី បានចាប់បដិសន្ធិឡើងនៅក្នុងខែមករា ឆ្នាំ១៩៩៣ ដោយមាន ការជួយគាំទ្រពីអង្គការពលកម្មអន្តរជាតិ (ILO) និងកម្មវិធីអភិវឌ្ឍន៍អង្គការសហប្រជាជាតិ(UNDP) ហើយ បង្កើតឡើងក្នុងនាមជាអង្គការក្រៅរដ្ឋាភិបាលមួយមានទិសដៅអភិវឌ្ឍន៍មុខរបរខ្នាតតូចបំផុត និងខ្នាតតូច តាមរយៈការផ្តល់ឥណទានដោយស្ថាបនិកមួយក្រុម ។ តាំងពីពេលចាប់ផ្តើមដំបូង អេស៊ីលីដា បានទទួលការគាំទ្រពីភ្នាក់ងារអភិវឌ្ឍន៍អន្តរជាតិសំខាន់ៗជាច្រើនដូចមាននៅក្នុងតារាងកិត្តិយសដែលយើងខ្ញុំសូមថ្លែងអំណរគុណយ៉ាងជ្រាលជ្រៅ ។ ការពង្រីកបណ្ដាញប្រតិបត្តិការ គ្របដណ្ដប់គ្រប់ខេត្ត-រាជធានីក្នុងព្រះរាជាណាចក្រកម្ពុជា និង សមត្ថភាពរបស់ធនាគារក្នុងការរកប្រាក់ចំណេញដែលធានានូវនិរន្តរភាពគឺជាកត្តាធំពីរដែលធ្វើឲ្យក្រុមប្រឹក្សាភិបាល និងដៃគូអន្តរជាតិរបស់ខ្លួនសម្រេចថាធនាគារអេស៊ីលីដាគួរធ្វើការកម្លាយខ្លួនទៅជាធនាគារពាណិជ្ជ ។ធ្វើបែបនេះមិនត្រឹមតែជួយពង្រឹងស្ថិរភាពរចនាសម្ព័ន្ធផ្នែកច្បាប់សម្រាប់បំពេញកាតព្វកិច្ចរបស់ខ្លួនពីមុនមកនោះទេ វាថែមទាំងផ្តល់ឲ្យធនាគារនូវជម្រើសកាន់តែច្រើនក្នុងការរកទុនបន្ថែម (ដូចជាការបន្ថែមដើមទុនការទទួលប្រាក់បញ្ញើសាធារណៈឬការទទួលប្រាក់កម្ចីពាណិជ្ជកម្មរវាងធនាគារដូចគ្នា) សម្រាប់គាំទ្រដល់ការពង្រីកការផ្តល់សេវាមីក្រូហិរញ្ញវត្ថុដែលជាអាជីវកម្មស្នូលរបស់ខ្លួន ។ដោយមានការជួយជ្រោមជ្រែងពីស្ថាប័នមួយចំនួនដូចជាភ្នាក់ងារអភិវឌ្ឍន៍អន្តរជាតិនៃសហរដ្ឋអាមេរិក (USAID) កម្មវិធីអភិវឌ្ឍន៍វិស័យឯកជនតំបន់ទន្លេមេគង្គ (MPDF/IFC) និងកម្មវិធីអភិវឌ្ឍន៍អង្គការសហប្រជាជាតិ (UNDP) ធ្វើឲ្យកម្មវិធីកម្លាយខ្លួនរយៈពេលបីឆ្នាំមួយត្រូវបានលើកឡើងនៅឆ្នាំ១៩៩៨ ហើយសម្រេចជោគជ័យ ដោយទទួលបានអាជ្ញាប័ណ្ណជាធនាគារឯកទេសនៅក្នុង ខែតុលា ឆ្នាំ២០០០ ។ នៅក្នុងដំណើរការកម្លាយខ្លួននេះអង្គការក្រៅរដ្ឋាភិបាល អេស៊ីលីដាដើម បានបង្វែរទ្រព្យសកម្ម និង បំណុលក្នុងដៃ អតិថិជន (ប្រាក់កម្ចីរយៈពេលវែងដែលទទួលបានពីម្ចាស់ជំនួយ) ទៅកាន់ធនាគារអេស៊ីលីដាដែលទើបបង្កើតថ្មីដោយប្តូរត្រឡប់ទៅវិញជាភាគហ៊ុន ៤៤,៩១% របស់ធនាគារស្មើនឹង៤លានដុល្លារអាមេរិកសមាគមបុគ្គលិកអេស៊ីលីដា (ក្រុមហ៊ុនអេអេសអេអ៊ីន្ស) ដែលបានបង្កើតឡើងដោយមូលនិធិរបស់បុគ្គលិកបានទិញភាគហ៊ុនចំនួន៦,០៩% ហើយចំណែកដែលនៅសល់៤៩% ទៀតត្រូវបានបែងចែកទៅឲ្យភាគទុនិកបរទេសចំនួនបួនគឺសាជីវកម្មហិរញ្ញវត្ថុអន្តរជាតិ (សាខារបស់ធនាគារពិភពលោក), DEG (ប្រទេសអាល្លឺម៉ង់), FMO និងធនាគារទ្រីយ៉ូដូស (ប្រទេសហុល្លង់ដ៍) ។នាពេលអនាគតធនាគារអេស៊ីលីដាអាចនឹងមានវត្តមាននៅក្នុងទីផ្សារភាគហ៊ុនក្នុងពេលសមស្របណាមួយ ។ បន្ទាប់ ពីបង្កើនដើមទុនរបស់ខ្លួនមួយទ្វេរជាបីឡើងដល់១៣លានដុល្លារអាមេរិកធនាគារអេស៊ីលីដាបានទទួលអាជ្ញាប័ណ្ណជាធនាគារពាណិជ្ជនៅថ្ងៃទី០១ខែធ្នូឆ្នាំ២០០៣ហើយត្រូវប្តូរឈ្មោះមកជា "ធនាគារអេស៊ីលីដាភីអិលស៊ី" ។ នៅថ្ងៃទី៣០ខែវិច្ឆិកាឆ្នាំ២០០៦ធនាគារអេស៊ីលីដាបានប្រកាសពីការបង្កើនដើមទុនដែលមានពី១៣លានដុល្លារអាមេរិកទៅដល់៣០លានដុល្លារអាមេរិក ។ នៅថ្ងៃទី ០៤ ខែ មករា ឆ្នាំ២០០៨ ធនាគារអេស៊ីលីដាបានប្រារព្ធពិធីគម្រប់ខួបទី១៥ឆ្នាំនៃការធ្វើប្រតិបត្តិការរបស់ខ្លួននិងបានប្រកាសបង្កើនដើមទុនរបស់ខ្លួនពី៣០លានដុល្លារអាមេរិកទៅ៥០លានដុល្លារអាមេរិក ។

នៅថ្ងៃទី ២៣ ខែ មករា ឆ្នាំ២០០៩ ធនាគារអេស៊ីលីដាបានបង្កើនដើមទុនពី៥០លានដុល្លារអាមេរិក ដល់៦០លានដុល្លារអាមេរិកនិងបង្កើនដល់៦៨,១៥លានដុល្លារអាមេរិកនៅថ្ងៃទី ១២ ខែ មិថុនា ឆ្នាំ ២០០៩ ។នៅថ្ងៃទី១៧ខែធ្នូឆ្នាំ២០០៩ក្រុមហ៊ុន JSH Asian Holdings Limited បានទិញភាគហ៊ុនចំនួន១២,២៥% នៅក្នុងធនាគារអេស៊ីលីដាភីអិលស៊ីពីស្ថាប័ន FMO ជាធនាគារអភិវឌ្ឍន៍អន្តរជាតិនៃប្រទេសហូឡង់ដ៍ ។ចំណែកឯរចនាសម្ព័ន្ធភាគហ៊ុនរបស់ធនាគារបានផ្លាស់ប្តូរដូចខាងក្រោម ៖

ភាគទុនិកនៅថ្ងៃទី២៦ខែមិថុនាឆ្នាំ២០១០
ភាគទុនិក	ចំនួនហ៊ុន	តម្លៃចុះបញ្ជី (ដុល្លារអាមេរិក)	កម្មសិទ្ធិ (%)
អង្គការអេស៊ីលីដា	២១.៨០៨.០០០	២១.៨០៨.០០០	៣២,០០%
ក្រុមហ៊ុនអេអេសអេ	១២.៩៤៨.៥០០	១២.៩៤៨.៥០០	១៩,០០%
ធនាគារអភិវឌ្ឍន៍អាល្លឺម៉ង់	៨.៣៤៨.៣៧៥	៨.៣៤៨.៣៧៥	១២,២៥%
JSHAHL	៨.៣៤៨.៣៧៥	៨.៣៤៨.៣៧៥	១២,២៥%
សាជីវកម្មហិរញ្ញវត្ថុអន្តរជាតិ	៨.៣៤៨.៣៧៥	៨.៣៤៨.៣៧៥	១២,២៥%
Triodos	២.៩៦៩.៦៥៦	២.៩៦៩.៦៥៦	៤,៣៦%
Triodos Fair Share Fund	២.៩៤៥.១៤១	២.៩៤៥.១៤១	៤,៣២%
Triodos Microfinance Fund	២.៤៣៣.៥៧៨	២.៤៣៣.៥៧៨	៣,៥៧%
សរុប	៦៨.១៥០.០០០	៦៨.១៥០.០០០	១០០%

ចាប់តាំងពីឆ្នាំ២០០០មកធនាគារអេស៊ីលីដាបានធ្វើការពង្រីកអាជីវកម្មរបស់ខ្លួនយ៉ាងលឿនជាមួយនឹងអត្រាកើនឡើងជាមធ្យមនៃចំនួនទឹកប្រាក់ឥណទានសរុប ៥៣% ក្នុងមួយឆ្នាំ ។នាដំណាច់ឆ្នាំ២០១០ធនាគារអេស៊ីលីដាមានទ្រព្យសកម្មសរុប ១.១៦១ លានដុល្លារអាមេរិកព្រមទាំងកាន់កាប់ទីផ្សារ បានប្រមាណ២៣,៤% នៃទំហំទីផ្សារឥណទានសរុបនិង២១,៩% នៃទំហំទីផ្សារប្រាក់បញ្ញើសរុបហើយនឹងបន្តកើនឡើងបន្ថែមទៀត ។បច្ចុប្បន្នធនាគារអេស៊ីលីដាមានសមតុល្យឥណទានសរុបប្រមាណ៨១៦លានដុល្លារអាមេរិកនៅលើដៃអតិថិជនជាង ២៦៥.៧៧៩នាក់ ដែលក្នុងនោះមាន ៥៤,៨៦%ជាស្ត្រី ។ធនាគារមានបុគ្គលិកសរុប៧.០០១កំពុងបម្រើការងារនៅក្នុង២៣៤ការិយាល័យ ដែលគ្របដណ្តប់គ្រប់ខេត្ត-រាជធានីនៃព្រះរាជាណាចក្រកម្ពុជា ។ ធនាគារអេស៊ីលីដា ត្រូវបានធ្វើសវនកម្មតាមធម្មនិយាមអន្តរជាតិដោយខេភីអឹមជ្ជីខេមបូឌាចំកាត់ និង មានក្រុមប្រឹក្សាច្បាប់មួយនៅរាជធានីភ្នំពេញគឺ Sciaroni & Associates ។ ក្រៅពីសេវាឥណទាននិងសេវាបញ្ញើ-សន្សំធនាគា រអេស៊ីលីដាមានបម្រើជូននូវសេវាផ្ទេរប្រាក់ក្នុងនិងក្រៅប្រទេសតាមរយៈ Western Union និង SWIFT (សង្គមជុំវិញពិភពលោកសម្រាប់ទូរគមនាគមន៍ហិរញ្ញវត្ថុអន្តរជាតិ) ។ យើងខ្ញុំមានសេវាធនាគារអេឡិចត្រូនិក សេវាហិរញ្ញប្បទានពាណិជ្ជកម្មរួមមាន ៖Documentary Collection, សេវាលិខិតឥណទាន, សេវាលិខិតធានានិងសេវាចាត់ចែងសាច់ប្រាក់មានដូចជា ៖សេវាប្តូរប្រាក់, សេវា Standing Order / Direct Debit, សេវាទូទាត់សាច់ប្រាក់, សេវា Cash Consolidation Accounts, សេវាបើកប្រាក់បៀវត្ស, សេវាលិខិតអះអាងលើគណនីនិងព័ត៌មានអតិថិជន, សេវាមូលប្បទានបត្រសាច់ប្រាក់, សេវាប្រមូលសាច់ប្រាក់, សេវាមូលប្បទានបត្រទេសចរណ៍, សេវាទិញមូលប្បទានបត្របរទេស, សេវាមូលប្បទានប័ណ្ណ, សេវាបញ្ញើតាមរយៈប្រអប់សុវត្ថិភាព, សេវាប្រមូល ប្រាក់បង់ពន្ធនិងសេវាធនាគារដទៃជាច្រើនទៀត។ការិយាល័យកណ្ដាលរបស់ធនាគារ អេស៊ីលីដាមានទីតាំងស្ថិតនៅក្នុងរាជធានីភ្នំពេញជាមួយ នឹង បណ្ដាញប្រតិបត្តិការគ្របដណ្ដប់ក្រុងភ្នំពេញ ,ខេត្តបន្ទាយមានជ័យ ,ខេត្តបាត់ដំបង, ខេត្តកំពង់ឆ្នាំង, ខេត្តកំពង់ចាម, ខេត្តកណ្តាល,ខេត្តកោះកុង, ខេត្តកំពត-កែប, ខេត្តកំពង់ស្ពឺ, ខេត្តក្រចេះ, ខេត្តកំពង់ធំ, ខេត្តមណ្ឌលគិរី, ខេត្តឧត្តរមានជ័យ, ខេត្តប៉ៃលិន, ខេត្តពោធិ៍សាត់, ខេត្តព្រៃវែង, ខេត្តព្រះវិហារ, ខេត្តរតនគិរី, ខេត្តព្រះសីហនុ, ខេត្តសៀមរាប, ខេត្តស្ទឹងត្រែង, ខេត្តស្វាយរៀង, និងខេត្តតាកែវ ។ ចាប់ពីខែកក្កដាឆ្នាំ២០០៨ធនាគារអេស៊ីលីដាបានពង្រីកបណ្ដាញប្រតិបត្តិការក្រៅប្រទេសដំបូងរបស់ខ្លួនក្នុងប្រទេសឡាវដែលមានការិយាល័យកណ្ដាលនៅទីក្រុងវៀងចន្ទនិងបើកសាខាបន្តបន្ទាប់ក្នុងខេត្តសាក់វណ្ណខេតនិងចំប៉ាសាក់ ។

Pages